روزنامه ملی انیس
ریاست روزنامه های دولتی افغانستان

مالیې وزارت:له ۳ ولایتونو ۴ میلیارده افغانۍ عواید راټول شوی

د مالیې وزارت وایی، په تېرو لسو میاشتو کې یوازې د پکتیا، تخار او نیمروز ولایتونو له کمرکونو نه له ۴ میلیاردو زیاتې افغانۍ عواید راټولې کړې دی.

دغه وزارت په خپل فېسبوک پاڼه کې لیکلی چې په یادو کمرکونو کې د فساد سره جدی مبارزه شوې او دغه لړۍ به راتلونکې کې هم دوام ولری.

که څه هم وزارت ددغو عوایدو د راټولېدو لاملونه نه‌دی په ډاګه کړی، خو له دې وړاندې یې په کمرکونو کې افغان سوداګرو ته د اسانتیاو، په سوداګریزو توکو کې د لوړو تعرفو د کنټرول او ورسره په کمرکونو کې د چارو د چټکتیا خبره کړې وه.

د مالیې وزارت په داسې حال کې په دغو ولایتونو کې د زیاتو عوایدو خبره کوی چې له دې وړاندې په کمرکونو کې د زیات فساد له امله وخت ناوخت راپورونه ورکول شوی وو.

سره له دې چې د مالیې وزارت په کمرکونکو کې له فساد سره مبارزه جدی ګڼی خو له دې وړاندې یو شمېر سوداګرو په ګمرکونو کې د پام وړ د ستونزو خبره کړې وه.

ممکن است شما دوست داشته باشید