قطر له افغانستان سره په نړیوال اولمپیک کې همکاری کوی

تېره ورځ د قطر په پلازمېنه دوحه کې د افغانستان د المپیک ملی کمېټې او بدنی روزنې او ورزش ریاست مشرتابه پلاوی او د نړیوال المپیک د مشرتابه ترمنځ ناسته ترسره شوه.

په دغه ناسته کې چې د قطر د المپیک ریاست په ودانۍ کې ترسره شوه، د نړیوال المپیک کمېټې د مشر په ګډون څلورو استازو او د افغانستان د ورزش ادارې له لورې اوو تنو استازو پکې ګډون درلود.

په دې ناسته کې په اوو مهمو مسایلو خبرې او پریکړې  وشوې چې ټولو یې مثبتې پایلی درلودې.

په دې لړ کې دا پریکړې وشوې:

۱ـ نړیوال المپیک به هڅه کوی چې خلیجې هېوادونه د افغانستان د المپیک او سپورت په برخه کې همکاری ته وهڅوی.

۲ـ په ګډه به هڅه کیږی چې نړیوالو فدراسیونونه دې ته متوجه شی چې د افغانستان له ورزش او ورزشکارانو سره خپلې اړیکی د پخوا په پرتله نورې هم پیاوړې او مرسته  ورسره وشی.

۳ـ په ۲۰۲۴کال کې به په پاریس کې کېدونکو لوبو کې د افغانستان  ټیمونو ته د ګډون لاره برابره شی.

۴ـ د ۲۰۲۳کال مارچ کې به په نړیوالو لوبو کې د افغانستان ټیمونه ګډون کوی.

۵ـ د افغانستان ورزش د پرمختګ لپاره به په ګډه کمپاین او په ګډه به ورته کار کیږی.

۶ـ د المپیک په نړیواله کمېټه کې د افغانستان د ورزش لپاره خوندی ځایونه او د ځینو هېواونو په مرسته ورزشی کمپلکس جوړ شی.