روزنامه ملی انیس
ریاست روزنامه های دولتی افغانستان

رهبری دولت برای ازمیان برداشتن مشکلات تاجران برنامه اصلاحی روی دست دارد

امرالله صالح معاون اول ریاست جمهوری اسلامی افغانستان با جمعی از تاجران و صنعت‌کاران زون مرکز درحالیکه رئیس عمومی اتاق‌های تجارت و سرمایه گذاری افغانستان، معینان وزارت‌های مالیه، وزارت صنعت و تجارت، وزارت امورداخله و وزارت زراعت نیز حضورداشتند، در قصر صدارت عظمی دیدار کرد.
دراین نشست، تاجران میوه، صنعت‌کاران سنگ‌های قیمتی، احجار کریمه و قالین – مشکلات شانرا با معاون اول ریاست جمهوری مطرح نمودند. آنها خواهان همکاری دولت افغانستان در زمینه افزایش تولیدات و صادر شدن محصولات داخلی اند.
امرالله صالح معاون اول ریاست جمهوری از فعالیت تاجران و مساعدت آنها با خانواده‌های بی‌بضاعت به ویژه در ایام قرنطین اظهار قدردانی نموده گفت که رهبری دولت افغانستان و در رأس آن معاونیت اول ریاست جمهوری برای از میان برداشتن مشکلات فراراه تاجران و صنعت کاران برنامه اصلاح سکتور خصوصی را روی دست گرفته است.

ممکن است شما دوست داشته باشید