روزنامه ملی انیس
ریاست روزنامه های دولتی افغانستان

د هلمند په لرو پرتو سیمو کې روغتیایی مرکزونه جوړیږی

په هلمند ولایت کې د دوو روغتیایی مرکزونو د جوړولو کار پرون پیل شو.

ټاکل شوې ده دغه مرکزونه د خانشین ولسوالۍ  په ډیرو لرو پرتو سیمو کې جوړ شی.

د هلمند دعامې روغتیا ریاست یو مسوول باختراژانس ته وویل چې په خانشین ولسوالۍ کې د دغو دوو مرکزونو د ودانیو د جوړولو کار پرون پیل شوی دی.

ټاکل شوې ده، دغه روغتیایی مرکزونه د نړیوالو مرستندویو بنسټونو له لورې په شپږو میاشتو کې جوړ شی.

دغه روغتیایی مرکزونه به بیلابیلې څانګې ولری او اصلی هدف یې د مور او ماشوم د ژغورنې لپاره  د نسایی او ولادی څانګی جوړول دی.

د هلمند د عامې روغتیا ریاست مسوولین وایی چې د دغو روغتیایی مرکزونو له جوړولو وروسته یاد مرکزونه په درملو او روغتیایی تجهیزاتو سمبالوی او د روغتیایی خدمتونو د وړاندې کولو لپاره روغتیایی کارکوونکی په دغو مرکزونو کې په دندو ګوماری.

د خانشین ولسوالۍ  اوسیدونکی وایی چې د دوى په سیمو کې د روغتیایی مرکزونو

د نشتوالی په دلیل اړ و، چې خپل ناروغان د درملنې لپاره د ولسوالۍ بازار او آن

د لښکرګاه ښار ته ولیږدوی.

دا په داسې حال کې ده، چې درې ورځې وړاندې په موسی کلا ولسوالۍ کې هم د درېیو روغتیایی مرکزونو د جوړولو کار پیل شوى و.

ممکن است شما دوست داشته باشید