روزنامه ملی انیس
ریاست روزنامه های دولتی افغانستان

د هرات د اطلاعاتو او فرهنګ رئیس د تیاترهنر په ملاتړ ټینګار وکړ

د هرات د اطلاعاتو او فرهنګ رئیس له یو شمېرهنرمندانو سره په کتنه کې وویل چې اسلامی امارت د تیاتر هنر او هنرمندانو ملاتړ کوی.
د تیاتر دوه هنرمندان نعمت الله حسین زاده او غلام فاروق سرخوش چې څه موده مخکې د درملنې لپاره له هېواد څخه بهرته تللی وو اوس یې روغتیایی وضعیت د ډاډ وړ دی.
دوی د هرات د اطلاعاتو او فرهنګ له رئیس سره په کتنه کې د ځینو هنری فعالیتونو او د هنری ښوونیزو او فرهنګی ډرامو د ترسره کولو په اړه خبرې وکړې او ژمنه یې وکړه چې د عامه ذهنیتونو روښانه کولو لپاره به له پخوا څخه زیاتې هڅې کوی.
د هرات د اطلاعاتو او فرهنګ رئیس مولانا نعیم الحق حقانی هنرمندان د افغانستان معنوی پانګې په توګه یاد کړل او ویې ویل چې د افغانستان اسلامی امارت به په ټول توان سره د تیاتر له هنر او هنرمندانو څخه چې د اسلامی فرهنګ مطابق وی، ملاتړ کوی.
مولانا حقانی د تیاتر پر هنرمندانو غږ وکړ چې په نوی کال کې نوښت وښی او د هېواد والو لپاره د تیاتر پروګرامونه ترسره کړی.

ممکن است شما دوست داشته باشید