روزنامه ملی انیس
روزنامه انیس یکی از قدیمی‌ترین روزنامه‌های چاپی در افغانستان می‌باشد. این روزنامه برای اولین بار در 15 ثور سال 1306 ه ش اولین نسخهٔ خود را در کابل منتشر کرد.

دیدار معین سیاسی وزارت امور خارجه با سفیر جمهوری تاجیکستان

ادریس زمان معین سیاسی وزارت امور خارجه جمهوری اسلامی افغانستان، با شرف الدین امام سفیر جمهوری تاجیکستان و شیخ السفراء در کابل، ملاقات نمود.

سفیر تاجیکستان  از روابط تاریخی، دوستانه و برادرانه هر دو کشور یاد آوری نموده، افزود: کشورش آماده است تا برق مورد نیاز افغانستان را صادر نماید وی همچنان از آماده گی کشورش در مورد ساخت بند های آبی و‎ساخت خط آهن در افغانستان یاد آوری نمود.

آقای زمان جمهوری تاجیکستان را یکی از متحدین ستراتژیک افغانستان در آسیای میانه خواند، و‌علاوه نمود: تاجیکستان از مشترکین  پروژه های اقتصادی افغانستان می باشد.

دو طرف بر تقویت روابط میان دوکشور، مبارزه با تروریزم ،تجارت و ترانزیت، گسترش روابط منطقوی،طرح تاسیس شورای عالی همکاری، موافقتنامه راهبردی میان دو کشور و همکاری های مرزی بحث نمودند.

ممکن است شما دوست داشته باشید