افغانستان اسلامی امارت سته جیښټ امیرالمومنین پله وا شیخ الحدیث مولوی هبة الله آخندزاده حفظه الله پټوری (۵۱۰) بولی فرمان ګاش کوسته مښ ګول تں اوجوپچوعه چرس سته بی اشی سته نه بولی کی که شنګں یا!
ایکی فرمان تں ایسه کی! ګول سته اوجوپچوعه چرس سته بی اشیسه مطلق منع اسه انیوع پعں کچی دی نه بتت چے امشیں سته بیم تں کی وری ښچاں مښ دی چرس سته بی اشیله.! انیو پعں ګجی سته امکی چرس سته بی اشی تت امکی امشیں په اله پعسته بوله.
اته پیوه وزارت سته مښ په تتی سوره کشفی سه سیں تں کودیوم پلوشه یسه کی اینه بګانه یاسته کودیوم چوک دی لسته که ښټل وارمښ پمیوک ګاله ایموسته ګول تں ایکی ډګری لترے سته بی اشیلاں ټیچ تےتی امکیاں قانون سته نچیں تں حواله چے امکی امشیں سته په اله پعسته بوله.
ایکی فرمان سته دیوبولی بټه تں آجی که شنګاں سته بیسه کی اینه فرمان ګوسته رسمی جراید ګاش کوسته بولا کی که .
