نورستان ولایت تں بدشره اسلامی سازمان سته سمی ستاں اپارں سره میاشت سه سیں مښ وری او کتی سوره ملک سلمان خیریه سازمان موسسه پارستعں وریک بوسته مښ نورستان ولایت سته پارون ښآرتں آړه شوش وعں له امه وعیں مښ کښعں که ۶۰۰ امه وعیں مښ دویی سنه تی آړه یوسته جے وریاں لتری امکیاں تں بټه کعه چے امکی دویی سناں ښے بګعیں ۶۲کیلوتں ویک ای.
امکی دویی سناں ګولسته وڅـاپوچ ولایات تں اویج وا امه وعیں تں بعه سوره بوره امکیاں مښ په تتی کښی جے انا ای چے اوجوپچوعه ۶۲کیلوتں پعاتت.ایکے تعں کویں لغمان ولایت تں دی ۵۰۰امه وعیں مښ آمنی آجیست لتری دویی سناسته بیسی.
