چیکه وطنیلایا کوچه پولیو ضد واکسین آنچوېن با

صحت عامه س مسؤلینې کدویی سې، نن ( دوشنبه) پایتحت کابل شمولیدی افغانستانس چیکه ولایتېلایه کوچه پولیو ضد کمپاین آنچوېن با.

پولیو منجاي نیک اس اضطراري عملیاتي مرکز مسؤلینه کدویی سې، یو اي سرتاسري کمپاین سې، ګه پایتحت کابل شمولیدی افغانستان چیکه ولایتېلایه کوچه سره پولا، او چیکه ۵ سال دی کم عمر بالکوله پام لېنه دريي.

اوچېوا مرکزس مسؤلین ګوشنګوالی، خاص رکمېدې سایېلا او بباېلایه اودای  اېړا، ګه واکسیناتورانه پلا سمړن او تانک چیکه ۵ سال دی کم عمر بالکوله واکسین کدن، تا ګه پولیو معلول کېکالا ناسازي مقابل وقایه بي.

لازم سی که، پایتخت کابل اس تګاليا واکسین اس تطبیق کمپاین دنه واکسیناتورانه پلا سمړن، او ګوزڼ ناسازيس دوره درېني ونتی کوچه تانک مهم روستا اخلدن.