چُنت گوستگین ماهئ تها، ایرانئ حکومت گیشتر شه ۲۰۰مردما اعدام کرته

ایرانئ حکومت، چُنت گوستگین ماهئ تها گیشتر شه ۲۰۰ مردما به دارا جتگیت. میان استمانین سازمانی بنیادمئ هکانی اداکنگی مزنین باسک، ولکر ترک به ایرانی دارجتنئ باروا اشارگ کنت و گشیتی ای حکومت رادگین سالئ تها کچ و کاسی ۲۰۹ مردما به دارا جتگیت.

ولکر ترک به ای باروا گشت: مان رادگین سالا ۵ماهئ تها هپتگی ۱۰ مردم شه ایرانئ حکومتی نیمگا به دارا لکتاب بوتگیت. شه ای هبر، ای راز درآیگ بیت که ۸۵۰مردم ایوکا شه دارجتنئ واسطا ایرانئ تها شه دُنیا شُتگنت. ولکر ترک گُشیت امبرانی هم هنچوش دیمی سالا دارجتن شه ایرانئ حکومتی نیمگا دوام داریت.

همی ډول واجه مولوی عبدالحمید، زاهدانی ولایتی مکیئ مسیتی امام جمعه شه ایرانی حکومت هر وار گِلگ کرتگیت که ای حکومت وتی مخالپ خاص بیگناهین بلوچانا به جتاجتاین نیمونان به دارا جنت.