په میرویس حوزوي روغتون کي د ۵ لکه ډالرو په لګښت د اکسیجن د تولید دستګاه فعاله او ګټې اخیستنې ته وسپارل شوه

د متحده ایالاتو د نړیوالې پراختیايي ادارې ( USAID) په مالي لګښت او د ښاري روغتیا نوښت پروګرام ( UHI) په تخنیکي همکارۍ د کندهار په میرویس حوزوي روغتون کي د ۵ لکه امریکايي ډالرو په لګښت د اکسیجن د تولید دستګاه فعاله او ګټې اخیستنې ته وسپارل شوه. د اکسیجن د تولید یاده دستګاه په یوه دقیقه کې 283 لیټره اکسیجن د تولید وړتیا لري او د ګټې اخیستنې په موخه ورته مسلکي کسان هم روزل شوي دي.