د افغانستان د اسلامي امارت د بهرنيو چارو وزارت په ترکيه او سوريه کې د وروستۍ زلزلې له امله چې په کې زرګونو کسانو ته مرګژوبله اوښتې او همداراز ډېر مالي زيان يې هم اړولی، له خپلو مسلمانو وروڼو هيوادونو او ولسونو سره د افغان ولس او حکومت په استازيتوب ژوره غمشريکي ښيي.
د دغې دردوونکې پېښې شهيدانو ته د فردوس جنت او ټپيانو ته د عاجلې او کاملې روغتيا دعا کوو. اسلامي امارت په دې درد او غم کې له خپلو مسلمانو وروڼو او خويندو سره ځان شريک بولي.پر اسلامي هيوادونو او نړيوالو مرستندويو ادارو غږ کوو چې د دغې زلزلې له قربانيانو سره د انساني خواخوږۍ له مخې پر وخت مرستې ته ودانګي.
