هراتئ کشارگریئ ریاستی ذمه وار گشنت که، همی چُنت سالئ تها کشارگرانی شوک به پستۀ باگانی شابیت کنگا باز بوتگیت و مان ده گوستگین سالئ تها، کشارگر کچ و کاسی پنچ هزار جریب ډگارا، پستۀ باگ جوړ کرتگنت.
کشارگر مان هراتئ ولایت گشنت که شه مچان گیشتر دو پستۀ درچک ایدا نادینتگ بینت، یکی مان روکپتئ ولایتان نام و توار داریت و په آیی بادغیسی پسته گشنت و آ دگه ایرانی پسته انت و آیی نهال شه ایران آورتگه بیت.
به هراتئ کشارگریئ ریاستی حال که به ای باروا گشتگه بوتگیت، آتگیت که هراتئ آپ و هوا په پستۀ کشت و کشارا بریبر انت و کوکنارئ کشارگر کرتگه کننت که به کوکنارئ بدلا پستۀ باگ جوړ بکننت.
