پارون ــ اسعد آباد سته پوت تعں پوت ګیټ بوں په روک کوسته بوتت
نورستان ولایت مرکز پارون ښارتعں اوه تی کونړاسعدآباد سته الی پوت تں پوت ګیټ بولی لتری په روک کوسته کودیوم اوکښه یا.
نورستان ولایت مرکز پارون ښارتعں اوه تی کونړاسعدآباد سته الی پوت تں پوت ګیټ بولی لتری په روک کوسته کودیوم اوکښه یا.
باخترسته ښوپعله تں ګجیکو: ایکی پارون ــ اسعد آباد سته پوت اوکښه تی ایپاسته جے سوره اتکی آړه پوت ګیټ بوله لتریں وکښاسته بګانه کودیوم نورستان ولایت سته فواید عامه ریاست پارستعں کودیوم پمیوک ګاسته بوتت.
نورستان ولایت سته فواید عامه ریاست سته جیښټ مولوی محمد نبی عادل باخترسته ښوپعله تں ګجیکو:
ایکی پارون ـ اسعد آباد سته پوت آړه بټه تں کوری تں تتی نشیں ګه ییسه اینه بګانه ایکی کودیوم بګانه ایموسته فواید عامه ریاست پارستعں کودیوم پمیوک ګاسته بوته، اینه ایکی پلکه دی دی اوکښه تی ایپاسته اوجوپچوعه ۲۰کیلومیټرتں ویک اسه چے کودیوم لسته که پمیوک بعه با دوڅ واس تں کودیوم پعں الاوشیک بوته.
ایموسته نورستانی ګول وعیں اینه دره یی ولتں پوت نشیں ګه یستاں تں تتی اتج به اتں تں بلیوک سکال اونګته وتعه وارمښ میوکں میوک ای چے ایکی کودیوم مښ بلیوک منچاں سته کودیوم اسان بولا ویشیک بوته.
