اولاف شولتز جرمنیئ صدر اعظم مان هند تروتاب کرت تان آ وطنئ پشت و پناهیا به اوکراینی نپ و کټ و روسیئ ضدا بدستا بیاریت و یا اگه ای کارا کرتگه نکنت کم شه کم په روسیی بگشیت که شه جنگا دست بزوریت.
شولتز شمبیئ روچا به نوکین دهلی شُت و رندا شه ایشی که گون هندئ صدراعظم نریندرا مودی گند و نند کرت، مودی په آیی سوگه کرت که اوکراین و روسیئ جنگ باید شه گپ و هبرئ راها حلاینتگ بیت و هند شه ای هبرا پشت و پناهی کنت.
گیشتر شه یکسال انت که روسیی اوکراینی سرا حمله کرته و جنگ انگته هم دوام داریت. روچ کپتئ ملک شه اوکراینئ دولت به زلنسکیئ رهدربریا پشت و پناهی کننت، بلی روسیی نه لوټیت شه وتی لوټا پد کنزیت.
