هلمندی معارفی ریاستئ ذمه وار گشنت که به انونین تعلیم و رودینگئ سالا کچ و کاسی ۴۷هزار وانوکین گونډو مان وانتجاهان شامله بنت. بریبر گون هلمندئ معارفی ذمه وارانی هبران مان ۲۰گوستگین سالئ تها جنگ و هون کُش سبب بوتتی ای ولایتئ معارف و دگه بهران ود و دیمریی مه داشتگ بنت و انون که امن و امان بوتگیت، معارفئ سرا گیشتر پام و دلگوشی رادگ انت.
محمد اسماعیل سعادت هلمندی معارفی ریاستئ کمککار ای باروا گشیت که امبرانی تا هنون کاسی پاریین وانوکان وتی نامانا ثبت گرتگنت و انگته دو ماه دگه نامانی ثبت کنگ دوام داریت و گونډو هر روچ په نامانی ثبت کنگا کاینت.
