نورستان وایګل ولسوالے تں سکال بټه بتات وی(کثیرالرشته) اینستیتوت ایپاسته بولی اسه

تعلیمی جے تخنیکی جےمسلکی اداره سته آړه ښه یی واستوک واستوک نورستان ولایت ګتی اتکی نورستان والی محمدآقاحکیم مښ وعیک وعیک ګتی تعلیمی بټه تں ایکی ولایت تں کودیوم کوسته بګانه وری وله یه. باخترسته ښوپعله تں ګجیکو: تعلیمی جے تخنیکی جےمسلکی اداره سته آړه ښه یی واستوک واستوک نورستان والےمښ وعیک وعیک ګتی اینه بګانه پتیان پوعوانه کعا ایموسته اداره اینه وګته کی نورستان ولایت سته حسابداری انستیټیوت سته دره تں اتیوعں سکال که کیوع کیوع بټه تں مسکلی جه اداری بټه تں لیلیواک سه سیں کں تعلیم سته پوت ښټاسته بګانه کی! برق اینجنیری کودیوم زعں لاں لسته که پښه سته بګانه سوره تخنیکی بټه تں اچاک دی سکال کتی لیلیواک تعلیم تں پکڅاسته بوله کی که تجارت ،معدن جےزراعت سته او کثیرالرشته انیستیتوت ایپاسته بولےکی که پتیان پوعوانه کعا.