ننگرهار کوچه ممپلېنا حاصلاتي بو بوا سې

ننگرهار ولایت کوچه یه ساله ۶۲۷ هکتار زُمین کوچه ممپلي هډن بوي سن، گه سنجش رویېدې ۱۴۰۰ متریک تن حاصلات دېیا.

امه ولایتس هټکالي ممپلېنا حاصلات اودای خوشحال آن، خو سسوا سالیس شکایت کېیا او مسؤلینه اودای ورکېس بندېلا او ذخیراینا چوپېکستا، بړوي او اصلاح بوي تخمستا اېړنيا کېیا.

ننگرهار ولایتس هټني ریاستستا مسؤلیني یان وټوا سال دې نونگا سال کوچه ممپلېنا بو حاصلاتستا اغتي کېویا سن او هټکالي کشالېنا حل کېکستا اطمینان دېویا سې.

ننگرهار هټني ریاستس مسؤلیننا کدنستایدې، امه ولایتس ممپلیا بکار بازار دارا او ابت وخت کوچه سورآلېک ولایتېلاینا کویگه کابل، کندز، بغلان، بلخ او وطنس اي گنات وري ولایتېلایه آنتې به گړېن گوریا.