مولوي ذبیحالله مجاهد مبارزینو او فعالانو ته:هر څه بايد له دقیقي او کره څېړنې وروسته خپاره شي
د کندهار والي او د اسلامي امارت وياند له لسګونه مبارزینو او فعالانو سره وکتل
د کندهار سرپرست والي حاجي ملا او د افغانستان اسلامي امارت ویاند ذبیح الله مجاهد وړمه ورځ له لسګونو مبارزینو او فعالانو سره وکتل.
د په دې کتنه کې ذبیحالله مجاهد مبارزینو ته ډاډ ورکړ، چي تر بل هر وخت اوس د اسلامي مبارزې لپاره ښه زمینه برابره شوې او تاسي کولای شئ هرځای خپله مقدسه مبارزه مخته یوسئ او د خپلې مبارزې پر مټ د هېوادوالو فکرونه جوړ کړئ، ځکه که مو د خلکو فکر مثبت جوړ کړ، نو د ملت اصلي بنیاد مو جوړ کړی دی.
مجاهد له مبارزينو وغوښتل، چې د لیکنو پر وخت یې اغېز هم وسنجوئ، د ګمان پر اساس څه مه لیکئ، هر څه مو بايد تر دقیقي او کره څېړنې وروسته خپاره شي.
ورته مهال د کندهار سرپرست والي حاجي ملا بيا له مبارزينو وغوښتل، چې ولس ورورولۍ ته راوبولي او په ټولنه کې د اصلاح لپاره کار وکړي.
حاجي ملا زیاته کړه، چې کفري نړۍ اوس هم زموږ د نظام پر وړاندې د منفي تبلیغاتو پرمټ هڅه کوي چې د هېوادوالو فکرونه خراب کړي، ضروري ده چې د نړۍ سره د قلم پر مټ سیالي او مبارزه وکړو.
