باختر: وزارت اطلاعات تی فرهنګ که سرپرست نی اج اروپا که اتحادیه کی هیئت ناړی وزارت مه دیکهڼ کیو تی کیو جی اسلامی ارزش، ملی منافع تی دیس که بړاں مصالحاں که بستی متعهد اے جی رسانه که آزاد کماں تی دیس مه حمایت کرلیاں.
کیړو گزارش جی آژانس باختر که ډهاتی آیو اے ملا خیرالله خیرخواه اطلاعات تی فرهنګ که سر پرست نی اج توماس نیکلسن اروپا که اتحادیه نماینده، رافیلا یودیجه اروپا که اتحادیه کوسفیر، جینی ګرین ارشد مشاور اتحادیه که ناړی ملاقات کیو. ایس دیکهڼ مه دونه نیں مختلف مسائیلاں پو تی سیاسی تحولات دیس کیاں مه ګل کئ اے.
وزارت که سرپرست نی کیو جی وزارت متعهد جی اسلامی ارزشاں تی، ملی منافع تی دیس که علیاے مصالح تی حمایت کرے. آزادی بیان تی رسانه کی فعالیت که بستی دیس مه دوام دیائیں، فرهنګی تی تاریخی میراث که رکهڼ مه هم تعهد دیتو تی اروپا که نماینده تی منګیوجی ایس باره مهاری ناړی اقتصادی کمک کرلی.
ایس دیکهڼ مه توماس نی اسلامی امارت که کماں تی قدردانی کئ تی کیو جی هوں ایس باره کیړے مشکلات جی هیں خصوصا رسانه که کمیسون کی اوس بارمه اروپا کو اتحادیه حمایت ته متعهد اے.
