لغمان ولایتس امنیې قومندانیس ترافیکستا مدیر مولوی حبیب الله مبارز کدا: ګه کابل – جلال آباد ته لګي پنده ترافیک واقع بو بیک خاترې موټرنا سرعت (تیز شاړیک) کنترول کیکس سیستمي فعال کېویی سې.
اوچېوای بو کېکن، ګه ایمه سیستم فعال بیک پلا کابل او جلال آباد ګڼ پنده موټرنا سرعت کنټرول او ترافیک حادثاینا پورګنه درېن بې.
مبارزس کدنایدې: اېلو ماشین یا (سیستم) مي پلا موټرنا سرعت کنترول کوچه سمړني کېیا او کابل – جلال آباد ګڼ پنده ترافیکي حادثاس ګرافي اکوړې بې.
کابل- جلال آباد ګڼ پند، ګه وطنې خطرناک ګڼینچ پنده اودای حساب با، وخت نا وخت موټر شاړېکالي بې احتیاطي او مه پنده موټرنا بو تکستا خاترې ترافیکي حادثا منجیګه یا.
