د قطر د بهرنيو چارو وزارت په اعلاميه کې ويلي، چې د افغانستان په اړه د مسکو فارمټ پنځمه غونډه کې د ياد وزارت د آسيايي چارو مشر يوسف بن سلطان يوسف لارام هم ګډون کړی و. په اعلاميه کې راغلي، چې يوسف لارام په دغې غونډه کې ټينګار کړی، چې په سيمه او نړۍ کې د ټيکاو ټينګښت د ټولو هغو لوريو اصلي موخه ده، چې افغانستان کې ټيکاو او امنيت غواړي. لارام ويلي ،چې، قطر د افغانستان ملاتړ ته دوام ورکوي او د افغانانو د بشري وضعيت د ښه کولو لپاره خپلې هېڅ مرستې نه سپموي.
