په افغانستان کې پخوانی امريکايي ديپلوماتې فورزايمر په تازه مرکه کې ويلي، په قوي احتمال چې روسيه او ايران به طالبان ( اسلامي امارت) په رسميت وپېژني. د نوموړې په وينا د امريکا په حکومت کې هم ځينې کسان غواړي، چې له طالبانو( اسلامي امارت) سره همکاري وکړي.مېرمن فورزايمر د مسکو فارمټ ته د طالبانو ( اسلامي امارت) غوښتلو ته په اشارې ويلي، روسيه په خپلو لوېديځو سرحدونو کې په جګړه کې لګيا ده او نه غواړي، چې په شرقي برخه کې هغه هم د افغانستان له خاورې په بله جګړه کې ځان ښکېل کړي.
