شونونگ یالی مکتب لر چاغالار اوچین ایلکینجی رسمی آیاق باسان تعلیمی یری دیر، شو جمله دن افغانستان دا مکتب لر و آیری اوقوو خانه لار اولکأنینگ معارف وزیرلیگی نینگ گوز غولاغی بیلن اؤنگه آلنیپ باریلماقدا، بویسانچ بیلن آیتساق؛ عزیز یوردیمیز افغانستان دا 26 مونگ دن کوپراک مکتب بولوپ و ملیون لارچا چاغا لار و یاش لار بو مکتب لرده تعلیم و تربیه گوریور لار. اولکه معارف وزیرلیگی مدام اوقووچی لارینگ جان ساغلیغینا چونگغور اهمیتی برمگی بیلن (واش ) پروژه سینی مکتب لر آراسیندا یولا غویدی. شو جمله دن قاضی بابا مراد لیسه سی فاریاب ولایتی نینگ اندخوی ولسوال لیغیندا ایه بولوپ بو پروسه دا یادامان زحمت و محنت لر چکیب 5 ییلدیزلی رتبه نی معارف وزیرلیگی طرفیندان اوستونلیک غازاندی.
بو اوستونلیگی مکتب باش توتانی بولان مدیر صاحبینگ، توتوش استادلارینگ، عزیز اوقووچی لارینگ و غالی برسه ده مکتب ایشکارلری نینگ تاغللا لاری بیلن ینگیش لیگه آردیم آرتدی دیسک، هیچ هم یالنگلیشماریس. بو مناسبت اوچین جدی آیی نینگ 6-نجی سیندا قاضی بابا مراد لیسه سی نینگ استاد لاری و اوقوچی لاری اولی شانلی و دبدبه لی دابارا بیلن غارشی آلیدیلار، بو دابارا افغانستان اسلامی امارتی نینگ، معارف وزیرلیگی نینگ اولی گنگشچی سی داکتر امرخیل، فاریاب ولایتی نینگ معارف ریاستی نینگ باش توتانی سید حفیظ الله معتصم بالله، اکتید موسسه سی نینگ مسوول گیشی لری، جامعه نی توتوش ساغلام غورایش باشلیغی، مکتب مدیرلاری، استاد لار، اهلی یاش اولی لار و همده اوقووچی لارینگ غاتناشماغی بیلن خاص هم آیراتین لیغه باش غویوپ خاص دوغری سی بو دابارانینگ غایتاباشدان بزکچیسی بولدی لار.
بو دابارا عبدالستار نظری اوغوز قاضی بابا مراد لیسه سی نینگ 12-نجی صنف اوقووچیسی نینگ آلیپ باریجی لیغی بیلن باشلانیپ، قرآن کریم دن آیه لار تلاوت ادیلیپ سونگرا قاضی بابا مراد لیسه سی نینگ مدیری سوز یورتمگی بیلن خوش گلدینگیز پیام لارینی عزیز مهمان لار اوچین دارغاتدی همده مدیر صاحب دان سونگ معارف وزیرلیگی نینگ اولی گنگش چی سی داکتر صاحب امرخیل بویله 5 ییلدیزلی مکتب لرنینگ اولکه ده بارلیغینی بویسانچ بیلدیگی اوچین دابارا غاتناشیجی لارینی یاقیملی سوزلری بیلن اوزینه چکدی. اوندان سونگ دورلی گوزل ترانه لار، ادب باغیندان سایلانان شعر لر، مقاله لار همده طنز اویون لاری ایزمه-ایز مکتب اوقووچی لاری طرفیندان یولا غویولدی، آخریندا خیر دعا وسوزلر بیلن دابارا غوتاریلیپ قطع نوارینی 5 ییلدیزلی رتبه سینه ینگیش غازاندی دییپ بیرلیکده کسدی لر. موندان اونگ یکه تاک 5 ییلدیزلی مکتب افغانستانینگ ننگرهار ولایتیندا باردی. شونونگ بیلن فاریاب دا کلال خانه غیز لار لیسه سی، سواد حیاتی اورتا اوقوو مکتبی، غجر آباد اورتا اوقوو مکتبی، و همده قپچاق غیزلار لیسه سی نینگ 5 ییلدیزلی رتبه سینه ایه بولان دیرلار.
