شهر که جوړڼ کی وزارت که بړاں مقامات کیاے جی کیړه شهر جی غیر قانونی شکل پو جوړیاے، موچ ایک جدی تی اجتماعی مشکل درهاے، وے زیاد کرے جی ایس کم که تثبیت تی سیاڼڼ که بستی کم شروع هویو اے. حمدالله نعمانی، ایس وزارت که سرپرست نی ایک خصوصی رسانه مه کیوجی ۴۵۰ شهرک ایس وزارت کوړی ثبت اے.
انتی هوراں غیر قانونی شهرکاں تی یه وزارت کافی اطلاع نی درهاتیں، اما کیاے جی زیاد تر شهرک غیر قانونی شکل پو اعمار هویاے، تی خود سرانه جوړیاے.
نعمانی اپڼی ګلاں مه زیادو کیو تی کیوجی این شهرکاں که تثبیت مه کوئین بی متضرر نیں هوتاں. کیړه وخت مه جی یی شهرک تثبیت هویاں جی کس که ډهاتی غصب هویاے تی غاصب هم دیس مه حضور نی درهاتهو اوس صورت مه قانون کی مطابق اوس لوک نه ملکیت کی سند دیجاے. وه کیاے جی مهاجرین تی معلمین که شهرکاں کی مشکل هم حل هویں. ان شاءالله نیړے وختاں مه تمام شهرکاں کی حقوقی مشکل ایک رسمی مرجع تی حل هویں ګی.
