افغانستان تقریباً ایک وارد کرنو دیس منطقه مه اے، اما خوشبختانه کیلم چی این سماں مه تهوړه اګله کم ایس دیس مه صنعت که آګی جاڼ که بستی هویاے، نویی کم این امیدواری نه لوک ایس دیس کانه دیاے چی انشاالله نیړے وختاں مه هم منطقه که دیساں مه ایک وارد کرنه دیس تے صادر کرنه دیس پو تبدیل هوجاواں ګه.
کیوزن چی تم هباں ته معلوم اے چی موچ هوڼ فعالیت صنایعاں کی دیس مه انتے تاثیر اوس کو انکشاف تی اګی جاڼ دیس کامه، نو تجربه نی هم یه ګل ثابت کئے اے چی کیړو دیس چی هوڼ هزیر صنعت کا لحاظ تی آګی ګیو هوے نو وه اج هباں دیس تی آګی اي کی اقتصاد کا لحاظ تی هوے کی هوره لحاظاں تی هوے، اسپو چی هر وخت مه چی ایکو دیس اپڼی ضروریاتاں نه اپڼه هتاں پو جوړلیاے نو مالوم ګل اے چی وه هور بار کا دیساں ته محتاج نیں هو توانتی هبه اپڼی ضرورت نه اپڼه دیس کا صنایعاں تی پوری کرے.
لکه چی هوڼ کوج بړه دیس اے چی بړو تولید کرنه صنایعاں که اے لکه چین، جاپان، جرمنی، هور … ولی یه ګل هم قابل کیڼ ته اے چی مهارو دیس افغانستان اون دیساں تی اے چی هوڼ بحران ګهوړ کاتی تهوړو اګلو نکهړ یو اے، نو اِس وخت هم حکومت اِس دیس که کابستی ضرور پکاراے تی، هم لوک اِس دیس کاں کابستی ضرور پکاراے چی اپڼه صنعتی پارک موچ زیاد جوړلیاے انتے کوشش کرلیاے چی مهارویو دیس هم ساره هوره دیساں کاشاں تاکڼو صنعت کا لحاظ تی ایک غنی دیس هوجاے.
اسپو چی مهارو دیس اوس وخت مه انکشاف کرے تی آګی چلی تی انکشاف کرے داخلی صنعت مهاره دیس مه زیاد هوجاے، نو هوڼ تقریباً اګله وختاں تی مهارو دیس صنعت لحاظ تی چنګو هوګیواے، انتے تهوړه اګله پارک صنایعاں که هم دیس مه جوړګیا اے.
