شیخ زاید پوهنتون تدریسي روغتون کې د سیټي سکېن او امارای ماشینونو پرانیستې مراسم ترسره شول.
په یادو مراسمو کې د شیخ زاید پوهنتون رئیس شیخ محمد یعقوب نیازي، علمي، مالي او اداري، محصلانو چارو مرستیالانو، د تدریسي روغتون سرطبیب، تدریسي روغتون ډاکټرانو او ژورنالېستانو ګډون درلود. مراسمو ته د شیخ زاید پوهنتون رئیس شیخ محمد یعقوب نیازي وویل چې د یادو ماشینونو د استعمال په موخه د هېواد په مرکز کابل کې په مسلکي ډول کسان ورزول شول، چې دا دی په عملي ډول به له یادو ماشینونو څخه د مریضانو د تداوي په تشخیص کې کار اخیستل کیږي. د شیخ زاید پوهنتون سرطبیب حمیدالله حامد وویل چې د یادو ماشینونو په فعالیدو سره به د مریضانو د تشخیص په برخه کې ډېرې اسانتیاوې رامنځته شي چې پر مټ به یې هېوادوالو ته ډېر خدمات وړاندې شي. شیخ زاید پوهنتون رهبري تل هڅه کوي د تدریسي روغتون په برخه کې نورې اسانتیاوې هم رامنځته کړي، ترڅو هېوادوالو ته په صحي برخه کې په سم ډول خدمت ترسره شي.
