درگتی که لهتین غچاغبر لوټتنت یک رمگی شه پسانا به پاکستان په بهاء کنگا برنت، اسلامیین امارتئ دولت سهی بوت و شه آوانی برگا دیمگیری کرت.
خالد بن ولیدی پوجیین قول اردو، زی مان ننگرهاری خوگیانی ولسوالیا شه ای رمگئ غچاغ کنگا دیمگیری کرت و به ای واسطا چار غچاغبر گپتگ بوتنت.
خالد بن ولیدی پوجیین قول اردوی گشوک، مولوی وحیدالله محمدی به ای باروا گُشت: (غچاغبر لوټتنت رمگی که یک صد و چل و نه پَس داشت، دیمی پاکستان برنت.)
گوشتئ بهاء پاکستانئ تها رندا شه سیل و آپردیان، گران بوتگیت و گوشتئ گرانی مان پاکستانا سبب بوتگیت که پس و بُز شه ایشکا به سیمئ آشکا غچاغ بنت، بلی اسلامیین امارتئ دولت گیشتر وهدان شه غچاغ کنگا دیمگیریه کننت.
