سیاړمه دهوں کرنه شیاں موچ تهوړو استفاده کرلیاں

دهوں کرنه شیاں نه سیاړکه وخت مه موج تهوړو استفاده کرلیاں تی اون کی ټهارپو اوشیں نه استفاده کرنه جی دهوں موچ نی کرتهو، این کوجاں دیاں مه کابل کو شهر تی هوربړاں شهر دیس که مه موچ دهوں دیسی، ایس خاطر تی موچ نجوړتیاں مهاره دیس مه ديں پو، دیں موچ هوتی چلی تی خصوصا اطفال پو موچ تاثیردرهاے.انتی لوک کی همکاری تے کمک ایس باره مه موچ زیاد مهم اے ایس خاطر پوجی که دولت کتنی کوشش بهی کرلیاے یو لوک اے جی ایس فضا نه دهوں پوتے هوره ګړنده کرنه کماں پو ګړندو کرے، نو لوک که بستی پکاراے جی اپڼه دیس کی دولت ناړی صادقانه شکل پو همکاری کرلیاے.

انتی دین مقدس اسلام مهاره نےهم ایس ګل یوموچ بحث کیواے قرآن کریم مه انتے احادیث پیامبرصلی الله علیه وسلم کیاں مه موچ حدیث طبیعت که پاک رکهڼ که بستے ذکر اے جی بوټانه انتے ګهانه، انتے پاڼیں نه، انتی هوانه، پاک انتےصفا رکهڼ مه موچ فایدو انسان که ژیت مه درهاے نوباید بیسڼ کی ټهار نه هر وخت مه پاک انتےصفا رکهلیاں .انتے بوجڼه لوکاں نی کی وی بوجڼه لوک مسلماناں کانے انتے کی غیر مسلماناں کانے ایس ګل پو موچ تاکید کے چی اپڼیں بیسڼ کی ټهار نه پاک رکهڼ مه موچ تاثیر انسان کی ژیت مه درهاے انتے هر عمل انسان که مه کے رفتارمه کے فکر مه موچ مفید تمام هوے.

الله نے اس وخت مه جی انسان زیمی که سرپوخلیفه پیدا کیو نو هبه مسؤلیت زیمی کی بے انسان نه دیتی اے کی بیسڼ کی ټهار کی مسئولیت هوے تی کی هوره امورات ژیت هوے، هباں کی مسؤلیت انسان که هت پو اے جی وه خلیفه زیمی کو اے. اخر مه ګل نه چهوټی کراں چی انسان هروخت مه اپڼه ډیره مه اپڼه دیس مه اپڼه شهر مه جی ژیت کریں نو ایس ټهارکی صفاے ته موچ زیاد اپڼه توجه نه کرلیاے، ایس پوجی پیامبرصلی الله علیه وسلم  کیاے نظافت (پاکی ) کو ادو بنډو ایمان کو اے.