افغانستان اتیوعں اسلامی ګول سته دویی سناں سازمان مښ وری او کتی سعودیه عربیه سته مر ملک سلمان سته دویی سناں موسسه پارستعں وریک بوسته مښ نورستان ولایت سته نورګرام ولسوالے تںے ۶۵۰امه وعیں مښ دویی سناسته با. چےامکی دویی سناں اوجوپچوعه هرګټی تں ۶۲کیلوپتوعی(وزن تں ویک) وای.
اسلامی دویی سناں سازمان سته سمی سته اینه بګانه وری وله تی ګجیکو: افغانستان اتیوع شترک ویک ۲۵ولایات تں کښعں که دیوڅاسوت ازارجے شتوا صد(۴۷۴۰۰) امه وعیں مښ دویی سنه یسته ای. امکی دویی سنه یستاں تں امنی لتری ای، ۴۰کیلیو بعه، ۵ کیلوماو ۵کیلوکښی، ۵کیلوبورجے۵کیلوانا ای چے ایکی سازمان پارستعں نه وعیں منچاں مښ دویی سناسته بوتت.
