روجه کو چن ګناه که مغفرت کو چن اے

روجه کو مبارک چن رحمت کو تے مغفرت کو چن اے انتی یو چن وه چن اے جی ایس چن مه غنی فقیر کا احوال تے خبر هوی انتی هر مسلماڼ ادمی ایس چن مه کوشش کرے جی اپڼه بهای مسلماڼ کا ژیت کا حالاتاں تے خبر هوجاے انتی اوس ناړی کمک تے همکاری کرلیاے.

 نوایس رومه هباں تے پیله روجه که مبارک چن کا آڼ نه تم هبه مسلماڼ جهان کاں ته تبریک کوم اے انتی ارزو درهم چی اتیر کو چن ایک فضا امن انتی ارامی کامه سر ته اپړجاے، انتی مهاره دیس افغانستان که متدین لوک کرسکلیاے ایس مبارک چن مه عباداتاں نه چنګه شکل پو سر ته اپړالیاے  تی یو مبارک چن هبه مسلماڼاں تی خصوص افغانستان که غیرت مند تی مسلماڼ لوک تی باج ګټه که لیڼ تے ایں نه چل جاے. کیوزن چی تم هباں ته معلوم اے چی اڼ روجه کومبارک چن چی هم تم پیل که دیں روجه که چن کامه قراردرهاں واں نوباید هم کوشش کرلیاں چی یومبارک چن همتی ایں نه چل جاے تی هم تم ایس چن مه عبادت الله جل جلاله کینه کرلیاں.

          انتے الله متعال که احکام نفع انتے حکمت تے خالی نیں. بلکه الله کوهرحکم موچاں  حکمتاں تے بهریواے. الله جل جلاله کوایکو حکم روجه که مبارک چن مه روجه کو رکهڼ اے. جی اس چن کو روجو مسلماڼاں پوفرض اے یوچن تے اس که روجه موچ فضلیت تے مرتبو درهای –حدیث مه آي الله جل جلاله کیای الصوم لی وانا اجزی به روجو میرابستے اے تے هوں ثواب تے اجردیم.ایس چن مه جی کوڼ بهی آیکه نفلی عمل نه انجام دیای ایس نه الله فرض که ثواب تے اجرنه نه دیای تے کوڼ جی فرض عمل نه انجام دیای ایس نه الله (۷۰) ده تے تروۤاں بیں فرضاں کا ثواب نه دیاے ( حدیث) روجه کوچن ووه بزرګ تے عظیم چن اے جی اس مه دوزخ که دروازه بدے جای تے جنتان کا دروازه کهولے تے سرکش شیطان زنجیر مه بدے جای. حدیث شریف مه یوچن ایکه چنګی فرصت جی مومن اطاعت تے عمل که واسطه پو جن نه الله ته نیړے کرے، ا نتے لنګیا ګناهاں تے توبه کرلیای تے اپه الله ناړه عهدتے وعدو کرین جی هور ګناه کومرتکب نیں هوتو.