ټولنه او کلتور
د هېواد تاریخي او کلتوري میراثونو ساتنه د اطلاعاتو او کلتور وزارت له لومړیتوبونو څخه ده
یادې څرګندونې نن شنبه د اطلاعاتو او کلتور وزارت سرپرست الحاج ملا خیرالله خیرخواه صاحب په خپل کاري دفتر کې د چین هیواد له سفیر “وانګ یو” سره په کتنه کې وکړې. په پیل کې د چین سفیر وویل،چې په دې برخه کې له افغانستان سره پوره همکاري وکړي. په پای کې د اطلاعاتو او کلتور وزارت سرپرست د تاریخي آبداتو او باستاني سیمو په ساتنه او بیارغونه کې د چین هېواد له همکارۍ مننه وکړه، د دواړو هېوادونو ترمنځ د اړیکو پر لا پراختیا یې ټینګار وکړ او زیاته یې کړه،
چې د هېواد د تاریخي میراثونو ساتنه د اطلاعاتو او کلتور وزارت له لومړیتوبونو څخه ده. ښاغلي خیرخواه همدا راز له هغو هېوادونو او سازمانونو مننه وکړه، چې په دې برخه کې همکاري کوي.
