د هرات په زنده جان ولسوالۍ کې د ۳۵ کورونو لرونکي يوه ښارګوټي د بنسټ ډبره پرون د ملکي او نظامي چارواکو، د هرات د زلزله ځپلو د ځانګړي کمېسيون د وياند، د استخباراتو د عمومي رياست د مرستيال له خوا کېښودل شوه.دغه ښارګوټي د هرات ولايت د زنده جان ولسوالۍ په ناوک کلي کې د استخباراتو د عمومي رياست د کارکوونکو په مالي مرسته جوړېږي ، چې چارې به يې د ۴۵ ورځو په موده کې بشپړې شي.چارواکي وايي : په پام کې ده چې دغه کورونه د ثبت او سروې له مخې اغېزمنو خلکو ته ووېشل شي.
