سیاست
د منځنۍ آسيا او اروپايي ټولنې استازي: د يوه سوله ييز افغانستان لپاره خپلو مرستو ته دوام ورکوو
د افغانستان لپاره د منځنۍ آسيا او اروپايي ټولنې استازو په بروکسل کې د غونډې پر مهال ټينګار کړی ،چې د يوه سوله ييز او ځواکمن افغانستان لپاره به خپلو هر اړخيزو مرستو ته دوام ورکړي. د دغې غونډې ګډونوالو په افغانستان کې د ښځو د حقونو په تړاو اندېښنه ښودلې او د خپلو هر اړخيزو مرستو د دوام ډاډ يې ورکړی.د قزاقستان د بهرنيو چارو وزارت ويلي: د دې غونډې په اجنډا کې د افغانستان اوسنيو شرايطو ته په کتو د سيمه ييزو امنيتي ارزونو او له افغانستان سره د دوامداره مرستو ډاډ ورکول شامل وو.
