د اطلاعاتو او فرهنګ وزارت د فرهنګ او هنر مرستيال وايي، اطلاعاتو او فرهنګ وزارت د مس عينک پروژې د لرغونو او تاريخي آثارو انتقال او استحکام ته ژمن دي او غواړي د يوې طرحې له مخې د قراردادي شرکت پر وړاندې خنډونه لرې کړي. نوموړی وايي، چې د مس عينک پروژه د افغانستان او چين لپاره اقتصادي او تاريخي ارزښت لري او غواړو، چې ژر تر ژره يې عملي چارې پيل شي. دی زياتوي، چې د مس عينک د کان په سيمه کې به د تاريخي اثارو لپاره يو موزيم جوړ کړی او هغه تاريخي اثار چې وضيعت يې ښه دي، ياد موزيم ته به انتقال شي.
