د لوګر د کانونو او پټروليم رياست مسئولينو ويلي: په ۱۴۰۱ کال کې يې ۱۲۵ ميليونه افغانۍ عوايد راټول کړي، چې د کال تر پايه به څه باندې ۱۸۰ ميليونو افغانيو ته ورسېږي. د دغو مسئولينو په خبره، د اسلامي امارت له راتګ وروسته په قانوني توګه د پنځو کانونو قراردادونه شوي، د نفرايت څلور کانونه هم اعلان ته سپارل شوي، چې په نږدې ورځو کې به يې چارې پيل شي او اوس د کرومايټو دوو کانونو د کيندنې چارې روانې دي. مسئولين مني، چې د روان کال په لړ کې د ياد ولايت په بېلابېلو سيمو کې د ۴۰ نورو کانونو د سروې او اکتشاف پروسې بشپړې شوې او پاتې چارې يې په کانونو او پټروليم وزارت کې تر کار لاندې دي.
