زابل امنیه قوماندانۍ د جنايي جرمونو پر وړاندې د مبارزې مدیریت خبر ورکوي چې د شاجوی ولسوالۍ د امنیه قوماندانۍ له لوري د چینو په سیمه کې دوه قلمه تاریخي اثار چې مجسمې دي د تیر یوه کال راهیسې په یوه کور کې ساتل کیدلې نیولي وو .د زابل امنیه قمدانۍ د جنايي جرمونو پر وړاندې د مبارزې مدیر مولوي عصمت الله کرامت باختر اژانس ته په خبرو کې وویل، د شاجوی امنیه قمندانۍ پولیسو دوه مجسمې نیولې چې نن یې د رسنیو په مخ کې د اطلاعاتو فرهنګ ریاست ته وسپارلې.د ده په وینا هیچاته به د تاریخي اثارو د قاچاق پیر او پلور اجازه ورنکړي. د زابل د اطلاعاتو او فرهنګ ریاست د فرهنګ او ګرځندوی آمر عبدالولي بشرمل د خوښي په څرګندولو سره لومړی د زابل ولایت له امنیه قوماندانۍ څخه مننه وکړه، او ویې ویل دوه مجسمې چې یوه یې ښځینه شکل لري او بل یې حیوان شکل لري تاریخي قدامت یې د نښو له مخې زرګونو کلونو ته رسیږي، نن اطلاعاتو او فرهنګ ریاست ته وسپارل شوې.د ده په وینا د دې تاریخي توکو د ساتنې لپاره د اطلاعاتو او فرهنګ ریاست مجهز میوزیم لري، چې دا او نور تاریخي توکي پکې ساتل کیږي.ښاغلي بشرمل له خلکو وغوښتل چې د تاریخي آبداتو د ساتنې او تاریخي اثارو د غونډېدلو په برخه کې دي د اطلاعاتو او فرهنګ ریاست سره مرسته وکړي، ترڅو خپل تاریخ او هویت مو لا غني کړی وي.
