د رياست الوزراء اداري مرستيال د قوش تېپې ولسوالۍ له ديني عالمانو سره په کتنه کې د ستونزو د حل ژمنه وکړه

د رياست الوزراء اداري مرستيال مولوي عبدالسلام حنفي لا وړم مازديګر د جوزجان ولايت د قوش تېپې ولسوالۍ له يو شمېر ديني عالمانو او مجاهدينو سره وکتل.په دې کتنه کې شېخ ذکرالله ذاکري د نورو په استازيتوب خبرې وکړې او د اسلامي نظام په ټينګښت او په ټول هيواد کې يې د امنيت پر تامين خوښي وښوده.نوموړي همدارنګه د اسلامي امارت له مشرتابه څخه وغوښتل، ترڅو په دې ولسوالۍ کې د مجاهدينو د وضعيت ښه والي، ښوونې او روزنې، د روغتيايي کلينيکونو او ديني مدرسو جوړولو ته ځانګړې پاملرنه وکړي.
په ورته وخت کې د رياست الوزراء اداري مرستيال مولوي عبدالسلام حنفي هغوی ته د ښه راغلاست ترڅنګ د قوش تېپې ولسوالۍ د خلکو د قربانيو، زيار او سرښندنو ستاينه وکړه.ده وويل: اسلامي امارت د خلکو د ستونزو پېژندل او له منځه وړل خپله ژمنه بولي او په دې برخه کې به امکاناتو ته په پام لازم اقدامات ترسره کړي.