د رئيس الوزراء اداري مرستيال عبدالسلام حنفي ،په افغانستان کې د ملګرو ملتونو د سرمنشي د ځانګړي استازي له مرستيال رامز الاکبروف سره په کتنه کې په هېواد کې د ملګرو ملتونو او مرستندويو موسسو فعاليتونه حياتي وبلل او د مرستو د دوام غوښتنه يې وکړه.د رئيس الوزراء اداري مرستيال عبدالسلام حنفي په افغانستان کې د ملګرو ملتونو د سرمنشي د ځانګړي استازي له مرستيال سره په کتنه کې ويلي، چې په افغانستان کې د دې ټولنې او نورو مرستندويو بنسټونو مرستې د افغانستان د خلکو لپاره مهمې دي.ده د افغانستان خلکو ته د مرستو رسولو د بهير پر دوام ټينګار وکړ.په افغانستان کې د ملګرو ملتونو د سرمنشي د ځانګړي استازي مرستيال رامز الاکبروف په افغانستان کې د ملګرو ملتونو د سازمان او اړوندو ادارو له فعاليتونو او بشري مرستو څخه د اسلامي امارت د ملاتړ قدرداني وکړه.د اسلامي امارت چارواکي وايي، چې د افغانستان خلکو ته بايد بشري مرستې په هر ډول شرايطو کې ورکړل شي او بشري مسايل بايد له سياسي مسايلو سره ونه تړل شي.
