سیاست
د بهرنیو چارو وزیر او د جاپان سفیر ترمنځ په لیدنه کې:ټینگار وشو چې له نړۍ سره د تعامل لپاره باید مثبت ګامونه واخیستل شي
شریعت: د هېواد د بهرنیو چارو وزارت سرپرست مولوي امیرخان متقي د افغانستان لپاره د جاپان هېواد له سفير تاکاشي اوکادا سره وکتل. د باختر آژانس د خبر له مخې؛ په دغه کتنه کې په یو شمېر مهمو سیاسي مسایلو سربېره پر بشري همکاریو او د سیمې او نړۍ په اوسنیو حالاتو خبرې اترې وشوې.
په یاده کتنه کې ټینګار وشو، چې د افغانستان او نړۍ تر منځ د مثبتو ګامونو په اخیستلو سره بهتره تعامل رامنځته شي.
