د اقتصاد د پياوړتيا له پاره مناسبي لاري لټول کېږي

نوي نه ده چې هېواد مو د اقتصاد کمزورتيا سره مخامخ دي ځکه د تيرو کلونو په اوږدوکې د وخت واکمنانو هغه لارو ته لومړيتوب نه دي ورکړي کوم چې په بنسټيزه توګه د ملي اقتصاد د پياوړتيا لامل ګرځي تل يي د بوديجي يوه برخه په نړيوالو مرستو تړلي ګڼله او د اقتصادي زيرمو د راسپړني او د عوايدو د ترلاسه کولو له پاره يي عملي او کوټلي ګامونه نه دي پورته کړي په زياتو عايداتي ادارو کې په فشار ککړ چې د لوړپوړو چارواکو سره ښکېل و په دندو بوخت و او د بهرنيو مرستو لګښت چې هېوادوالو له پاره يي د کار او روزګار زمينه برابره کړي وي په رڼه توګه شتون نه درلود هغه لومړيتوبونه چې د اقتصادي پياوړتيا لامل ګرځيده هيڅ ډول پاملرنه نه کېده همدا وجهه وه چې د نړيوالو مرستندويه هېوادو د مرستو سره سره د هېوادوالو اقتصادي بڼه کمزوري پاتي شوي او د ژوند د لومړنيو موادو په راکړه ورکړه کې هم د پام وړ بدلون رامنځ ته نه شو. په هېواد کې د بهرنيو په مرسته هوايي اقتصاد تر هغه په خوځښت کې و چې بهرنيانو شتون درلود کله چې بهرنيان له هېواده ووتل او اشغال پاي ته ورسيده اقتصادي بهير چې د تمويل چاري يي د بهرنيانو له خوا ترسره کېدي په ټپه ودريد او هغه لاري يي بندي کړه کومي چې په هېواد کې د راکړي ورکړي له پاره يي اسانتياوي رامنځ ته کړي د بانکې سيستم نه نيولي بيا د مرستو تر راليږلو پوري زيات بنديزونه رامنځ ته شول چې له امله يي د لومړنيو خوراکې توکو په نرخونو کې زياتوالي راغي خو اسلامي امارت د مختلفو لارو په لټون سره د اقتصادي ستونزو د رغاوني هڅي پيل کړي څرګنده ده چې په نړيواله کچه د امنيتي او سياسي ګډوډيو له امله د خوراکې توکو په نرخونو کې زياتوالي رامنځ ته شوي. خو اسلامي امارت وتوانيده چې د مافيايي کړيو د دسيسو او توطيو ترڅنګ کورني عوايد په رڼه توګه راټول او اقتصادي بحران تر کنترول لاندي راولي ډيرو لاس وهونکو هېوادو د اسلامي امارت په لومړيو ورځو کې د مافيايي کړيو په وسيله د افغانيو په وړاندي د ډالرو د ارزښت د لوړيدو هڅي وکړي خو د اسلامي امارت د مسولينو د جدي او پرله پسي هڅو له امله توطيه کوونکې په لاره اچول شوي توطيه کې بريالي نه شول.

دغه راز د لومړنيو خوراکې توکو د نرخونو د لوړوالي د مخنيوي له پاره ګړندي ګامونه پورته شول او دا مهال په لومړنيو خوراکې توکو کې د پام وړ کموالي راغلي دي. پوهيږو چې اوس هم د هېوادوالو د اقتصادي کمزورتيا په پرتله د خوراکې توکو نرخونه لوړ دي.

خو اسلامي امارت د هېوادوالو د هوسايني له پاره د هغو لارو په لټون بوخت دي کوم چې په ټوله کې د اقتصادي پياوړتيا لامل ګرځي. ډيري پروژي چې ستراتيژيک اهميت لري د اسلامي امارت د کار لاندي دي او اقتصاد د پياوړتيا له پاره به هغه لاري ولټوي کومي چې د تل له پاره بنسټيز اقتصاد پياوړي کوي. هېوادوال بايد ومني چې اسلامي امارت پرته له دي چې بهرنيو مرستو ته په تمه شي په خپلو کورنيو عوايدو يي د څار او روڼتوب بهير جدي کړي او د عوايدو په کچه کې زياتوالي راغلي دي. که خداي کول د هېوادوالو په مرسته به د کورنيو عوايدو له لاري د هېواد د ملي اقتصاد د پياوړتيا له پاره بنسټيز کارونه ترسره شي او د هېوادوالو په راکړه ورکړه کې چې ځيني ستونزي د بهرنيو لاس وهونکو هېواد له خوا رامنځ ته شوي د تل له پاره ورغاوي.

د هري ورځي په تيريدو سره د بنديزونو ترڅنګ بانکې سيستم د رغيدو په حال کې دي تمه ده چې په راتلونکو کې راپيدا شوي ستونزي هواري شي.

پوهيږو چې اسلامي امارت مسولين به د تيرو فاسدو واکمنانو نيمګړتياو ته په کتو سره د هېواد د اقتصادي پرمختګ له پاره په کور دننه د مسلکې او نوخښت ګرو هېوادوالو په مټ شته اقتصادي ستونزي له مينځه يوسي او تل پاتي اقتصادي بهير ته به وده ورکړي.