اوسپنې پټلۍ اداره وايي، چې د افغانستان، ازبیکستان او پاکستان اوسپنې پټلۍ مسولینو په درې اړخیزه ناسته کې د افغان-ټرانس اوسپنې پټلۍ پروژې د لارې نقشې اړوند خبرې کړې. په دې غونډه کې د افغانستان اوسپنې پټلۍ رییس د افغان-ټرانس اوسپنې پټلۍ پروژې د عملي چارو په ژر پیل ټینګار کړی.د یادې ادارې په وینا؛ دې درې اړخیزه ناسته کې د افغان-ټرانس اوسپنې پټلۍ پروژې د تفصیلي او تخنیکي امکان سنجي مطالعې سرته رسولو او همدارنګه یاده پروژه کې پانګونې لپاره د نړۍ په کچه د پانګوالو جذبولو په موخه پر کلني پلان هوکړه شوې ده.
