دنیا کی ترقی علم مه اے
یه ایکه ډاګ ګل اے جی انسانان که پیدا هوڼ تے لی کے هوڼ تاکوڼ الله رب العزت نے علم تی عالم که بستے اوچو مرتبو تے درجو تعین کیواے.
یه ایکه ډاګ ګل اے جی انسانان که پیدا هوڼ تے لی کے هوڼ تاکوڼ الله رب العزت نے علم تی عالم که بستے اوچو مرتبو تے درجو تعین کیواے.
کینو جی آدم علیه السلام انساناں کو باپے علم تے بوجڼ که وجه تے الله نے اس نه مرتبو دیتو تے ووه فرشتاں تے اوپرهویو.
بوجڼ که وجه پو ملائکاں نے الله جل جلالهُ که امرپو اس ته سجدو کیو یوعلم اے جی انسان کی فضیلت نه هبه کائنات پو ډاګ کرے. همیش که بستے دنیا که مقابل مه علم تے بوجڼ نے اپو مرتبو حفظ کیواے. الله رب العزت نے کیتنه پیغمبر جی دنیا ته چلا یا هبی علم کا چیړا پو ملبس تها کد جی ایکے قوم کی رهبریت که بستے دنیا تے علم نی مقابلو کیونو الله رب العزت نی علم اګے کیو قرآن کریم مه اِس کی مثال طالوت تی رهبریت کی اے الله(ج) نے اِس نه علم دے کے رهبرتعین کیو. دنیا کی پیدایش تے هوڼ تاکوڼ علم تے جهل کو مقابلو روان اے.
البته علم تے هدف دینی علم اے، قران تے حدیث کو علم اے،الله رب العزت نه سیاڼڼ کو علم اے قرآن مه پروردګار نی کیړا لوک جی الله کی واحدانیت پو قائل نیں اون ته حیوان کیواے بلکه حیواناں تے بهی بدتر کیو اے صحیح جی انساناں کی زندګی مه هرکیں ته ضرورت اے. هرشی، پو بوجڼ لازم اے تاجی ویه دنیا کی زندګی نه چنګی لنګهایں. که طب کوعلم، انجنیری، تے هور…
لیکن اصل هدف الله رب العزت نه سیاڼڼ کو علم اے . تمام جهان کی ترقی تے تعالی علم که وجه تے اے. هوں اپه معزز قام ته درخواست کروں اے آجاووں علم سیکهوں تی هوراں قام کی ناړ باعزت زندګی کروں بی علمی زندګی کروں بی علمی زندګی تے کوچ نیں جوړتو ډهاکه کی تے چوپانی ش زندګی مه خیر
نیں ګرچه بړاں کو وخت لنګیواے. ننډاں پو تعلیم کرلیوں. تاجی اڼه کوآینده تے اخر جوړ جایں تے تهاره بستے بهی اخرکو زخیرو هوجایں الله هم هبنا دینی علم کا خسم تے عالم جوړیوں.
