دلو ۲۶ دیں افغانستان که لوک ته تاریخی دیں اے

کیوزن جی اوس وخت مه روس منطقه مه ابر قدرت دیس کاں تے تهو نو یه اشتباه روس کی تهی جی افغانستان پو حملو کیو انتی نتیجه حمله کاں مه پوهټی پوهټی هوګیو انتی وه اپڼو ابر قدرت توب هم حفظ  نه کرسکیو تے منطقه مه پهچیں موکاړو هوګیو.

اګر یه اشتباه روس نیں نه کیں وهاں نو اج مهارو دیس افغانستان هم ایک اباد تے مترقی دیس منطقه مه وهی تهو انتی روس هم ایس رقم موکاړو نیں تهو هوی نو یه اشتباره روس کی کدے بهی هور تکرار نیں هوسیګی ایس خاطر پوجی افغانستان کی ګهوړتے اوس نی ایس رقم تجربو لیوجی هور کدي بهی کیں دیس پو بهی تجاوز نیں کرسیګو انتی اپڼی اشتباه نه تکرار نیں کرسیګو.

اګر افغانستان که غیرت مند تے شجاع تے مجاهد لوک نی اوس وخت مه روس که مقابل مه نه کهړه هویه وهاں تے جهاد نه کۓ وهاں نو اج هم استقلال هم نیں تها درهاواں انتی ازادی هم نیں تها درهاواں نو یه قرباڼی اون مجاهداں کی اے جی اج وی مهاره بیج مه نیں تے اوس وخت مه  شید هوګیااے. نو باید افغانستان کی هوڼ کی جوان نسل همیش پاسدار تے رکهڼی اون ارزش جهاد کاں نه هوی انتی کدي بهی افغانستان که غیرت مند تے مجاهد لوک کی اوس قرباڼی نه معامله نکرلیاے، انتی کوشش کرلیاے جی افغانستان همیش ایک مستقل دیس انتی ازاد منطقه که دیساں مه ریجاے.

افغانستان تاریخ مه ایس رقم ایک دیس جهان که دیساں مه لنګیواے جی هر تجاوز کرنه نیں جی ایس دیس پو تجاوز کیو هوے نو وه پهچیں مجبور هویو جی ایس دیس تے نکهړجاے ایس خاطر پوجی افغانستان مه ۹۹ فیصد لوک مسلماڼ اے انتی یو لوک ایس کم نه کدے بهی جازو نیں دیته جی بار کو ایکو دیس ایس دیس پو تجاوز کرلیاے تے مهیں اپڼه اون بهړه هدفاں ته ایس دیس مه اپړجاے. ایس دلیل پوجی مهاره دیس که مسلماڼ لوک کو عقیده ایس جازه نه نیں دیتو انتی ملی عرف تے فرهنګ مهاره دیس کی ایس تحمل نه نیں کرسکتی جی ایکو تجاوز کرنو ایس دیس پو تجاوز کرلیاے تے مهیں آپڼه اوس شوم هدف ته اپړجاے.

 نو محترمو چهوټی ګل یاے جی دیس کو رکهڼ ناموس کو رکهڼ اے نو یو کم هم تم هباں پو لازمی تے ضروری پکاراے جی اپڼه دیس تی محافظت کرلیاں انتی کیساں نه بهی جازو نه چادیاں جی ایس دیس پو تجاوز کرلیاے انتی اپڼه اون بهړه هدفاں نه مهاره دیس که مجاهد لوک پو تحمیل کرلیاے.