خار کی تی مسکن کی وزارت:  بیسڼه اجازه تی باج مسکن که جوړڼ ته هت نه لمو کرﮮ

خار کی تی مسکن کی وزارت دیس که بیسڼه نی منګی جی مصؤن رهیڼ اون کو مسکن تی سرمایه، اجازه تی باج نه جوړی، پهیل مه باید جی جازو لچیاﮮ تی اوس که مطابق پو کم کرلیاﮮ.

مطبوعاتی دفتر ایس وزارت که نی کل ایک اعلامیه مه لیکهیوں اﮮ جی ایس تی کاډ بیسڼه دیس که ایس وزارت که اجازه تی باج اپڼه سرپو آبادی نه جوړلیاﮮ، آبادی که جوړڼ که بستی رسمی اداراتاں تیں جوړڼ که بستی اجازو هت ته آڼ لیاﮮ.

ایس اعلامیه که اساس پو؛ هر بیسڼو وخت که ضیاع کرن تی، سرمایه که ضیاع  کرن تی، ایس وزارت که مسئولاں تی اعمار کرن که بستی اجازو لیچیاﮮ، کیم جی خود سر جوړڼ تی، غیر پلانی جوړڼ نی، موچ مشکلات خاراں مه پیده کرچیں اﮮ جی بړو مانع متوازن انکشاف کو هوګیو اﮮ.