حنفی:عالمانی نخش مان راجا اهمیت کرز انت

مولوی عبدالسلام حنفی اسلامیین امارتی ریاست الوزرای اداریین کمککار گون کندز و بغلانی ولایتانی لهتین عالمان گند و نند کرت.

مان ای گند و نندا، مفتی عبدالغفور و مولوی خال محمد به کندزی ولایتی دگه عالمانی نمایندگیه، دروایی، تعلیم و رودینگ، دینیین وانتجاهانی حالت و جاور و کندزی مردمانی سکی و سوریانی باروا هبر داتنت.

همیراز مولوی عبدالسلام حنفی گون بغلانی عالمان هم گند و نند کرت. مان ای گند و نندا شیخ کمال الدین بغلانی عالمانی مزن و کماش به دگرانی نمایندگیه هبر دات و شه بغلانی راجئ جاور، گزرانی، امنیت و شه آ ولایتی مردمانی سکی و سوریان گُشت.

مولوی حنفی وتی وشنودیا گون عالمانی گند و نندا درایینت و گُشت عالمانی نخش مان راجا اهمیت کرز انت و هر چنکس شه اسلامیین امارتئ حکومتی وسا بیت، استمانئ سکی و سوریانا حلایینیت.