جاری ییل – حوت آی نینگ ییگیرمه نچی سی شنبه کونی ده جوزجان ولایتی نینگ مرکزی شبرغان شهری‌ده گی دوصد بستر شفاخانه سی نینگ ینگی تاسیساتی آچیلیب بهره له نیش گه تاپشیریلدی.
اوشبو شفاخانه ده داخله، جراحلیک، توغدیریش همده عملیات خانه سی موجود بولیب تورلی خیل کسل لیک لرنی تشخیص قیلیش گه قادراوسکونه لربیلن تجهیزلنگن.
جوزجان والی‌سی نینگ اورین باسری مولوی گل محمد سلیم اوشبو شفاخانه نینگ آچیلیش مراسمی ده ایتدی: شفاخانه لر توزه لیشی نینگ ارزیگولیگی مسجد و مدرسه لرنینگ ارزیگولیگی دن کم ایمس شو اوچون اسلامی امارت شفاخانه لرنینگ توزه لیشی گه ارزیگولیک قایل دیر.
شوکبی عامه ساغلیک وزیرلیگی نینگ پلان و پالیسی معینی دوکتورمحمد حسن غیاثی اولکه ده عامه ساغلیک وزیرلیگی تمانی دن اولوس ساغلیگی نی اسره ش درگاه لری نینگ توزه لیش آقیمی کوچه یگندوردیگن.
کیینچه لیک عامه ساغلیک وزیرلیگی نینگ مالی واداری معینی مولوی محمد اسحق صاحب زاده سوزلب جوزجان اهالیسی اوچون ینه ده اوشبو وزیرلیک تمانی دن یخشی خدمت لر بجریلیشی ممکن دیگن.
اوندن کیین جوزجان ولایتی عامه ساغلیک باشقرمه لیگی نینگ باشلیغی قاری ذبیح الله حسینی ایتدی: اوشبو شفاخانه تورت ییل دوامیده بیریوزو اوتتیزتوققیزمیلیون افغانی چیقیندی بیلن توزه لدی.
سونگره جوزجان اهالیسی تمانیدن الله نورخان سوزگه چیقیب عامه ساغ لیک وزیرلیگی نینگ اوشبو انسان پرورلرچه یاردمی دن منتدارلیک بیلدیردی.
