تېره اونۍ هلمند کي د پنځو ترافیکي پېښو له امله څلورو تنو ته مرګ ژوبله اوښتې ده
تېره اونۍ په ګرمسېر، ګرشک او ناوې ولسوالیو کي د پنځو ترافیکي پېښو له امله یو تن وژل سوی، او درې تنه نور ژوبل سوي دي.
تېره اونۍ په ګرمسېر، ګرشک او ناوې ولسوالیو کي د پنځو ترافیکي پېښو له امله یو تن وژل سوی، او درې تنه نور ژوبل سوي دي.
د ګرشک ولسوالۍ په بازار کي د یوه عراده ټېلر او موټرسایکل په ترافیکي ېېښه کي موټرسایکل چلوونکی لومړی ژوبل او وروسته یې په روغتون کي ساه ورکړه، د یادي پېښي په تړاو موټرچلوونکی د امنېتي مسؤولینو لخوا نیول سوی او موټر یې د ترافیکو امریت ته تسلیم کړی دی.
د ناوې ولسوالۍ په هزار اسپ سیمه کي د یوه عراده لوکسل موټر چلوونکي لخوا موټر له سړک څخه اوښتی او دوه تنه یې په موټر وهلي دي، د یادي پېښي له امله دوه تنه ژوبل سوي چي د لښکرګاه ایمرجنسي روغتون ته لېږل سوي دي، او موټر چلوونکی د موټر سره یو ځای د امنېتي مسؤولینو لخوا نیول سوی دی.
همداراز د یادي ولسوالۍ په عینک سیمه کي د یوه موټرسایکل چلوونکي د بې احتیاطۍ له امله موټرسایکل چپه سوی او ژوبل سوی دی، یاد کس د تداوۍ په موخه ایمرجنسي روغتون ته لېږل سوی دی.
د ګرمسېر ولسوالۍ په لکړۍ سیمه کي یوه عراده مازدا موټر و زابر ته چپه سوی دی، چي په یاده پېښه کي موټر چلوونکي ته مالي زیان اوښتی دی او کوم چا ته ځاني زیان ندی رسېدلی.
د یو بل خبر له مخي د همدې ولسوالۍ په جګروم سیمه کي یوه عراده پاسو موټر بُغرا ته لوېدلی چي په یاده پېښه کي کوم چا ته ځاني زیان ندی اوښتی.
