مالي وزارت، ننګرهار تورخم ګمرک کوچه اي اندازا قیمتي واړنا قاچاقستا دوره دریکس خبري دېویی سې.
اوچېوا وزارت تانک تويترصفحا کوچه لکویی سې ګه تورخم ګمرکس صادارات وانټ ڵام کېکالي وټوا دوس اي اندازا قیمتي واړنا قاچاقس دوره درېکن، اي بارنیکالا موتر کوچه جابجای بوي آییچ.
سراونچس معلومتستایدې مه قیمتي واړه کوچه ۴،۱۸کیلو ګرام بیروج، ۹۷،۵۰کیلو ګرام لیتیم، ۵،۳۰ ګرام ګل سولر او ۹۳۰کیلو ګرام نفرایت واړ شامل آییچ، ګه اېړاییچ پاکستانې قاچاق کدن.
مالي وزارتي امخول کدکن، ګه اوچېوا قضیا وري تارني خاترې امنيتي ارګاننې سپارن بوا سې.
