اچی واس کویں آړه نه ټکی لا تں تتی تورخم سته دو انیاراتکیاروچپه الاں کں وکښےسی شترک اینه حوت سته تره بولی واس تں اویں پلکه دی وچپه الاں پمیوک اتوکعا.
باخترسته ښوپعله ګجیکو: ایکی دو اچی واس کویں افغانستان اسلامی امارت سته ښےواوستوک پوت وعاں مښ وکښآسته بیسی شترک افغانستان اسلامی امارت سته پوت وعاں مښ کیوع کیوع بتات وا سه سیں کں کی سادګری بوتت نه نیں ورں دی کی اویج وا بوتت با امکیاں سته پوت وعاں مښ دی اتوکعا.
اینه بګانه ښےواستوک پتیان پوعوانه کوتت کی! ایموسته ګول وعیں بتت امشیں سته کودیوم ایکی پوت تں وچپه استه مښ پمیوک ګاله.
